28 نومبر ، 2022
بلوچستان اسمبلی میں پاکستان تحریک انصاف کے رکن اسمبلی سردار یار محمد رند نے کہا ہے کہ عمران خان کا اسمبلیوں سے نکلنے کا اعلان اپنی جگہ مگر ابھی تک ہم نے اسمبلی سے نکلنے کا فیصلہ نہیں کیا۔
انہوں نے کہا کہ بلوچستان اسمبلی میں پی ٹی آئی کے اراکین میں ہمارا ہم خیال گروپ ہے، ہم خیال دوستوں سے مشورے کے بعد حتمی فیصلہ کریں گے۔
خیال رہے کہ چیئرمین تحریک انصاف عمران خان نے راولپنڈی میں جلسے سے خطاب کے دوران تمام اسمبلیوں سے استعفے دینے کا اعلان کیا تھا۔
عمران خان کے استعفے کے بعد وزیراعلیٰ پنجاب چوہدری پرویز الٰہی اور خیبر پختونخوا حکومت نے اعلان کیا کہ عمران خان جب حکم دیں گے فوری طور پر اسمبلیوں سے مستعفی ہو جائیں گے۔