دلچسپ و عجیب
30 نومبر ، 2022

معاشرتی رسم و رواج کو توڑتی دُلہن خود گھوڑی چڑھ کر اپنی بارات میں پہنچ گئی

سمرن نے اپنے اس عمل سے خود کو مردوں سے کم سمجھنے والی خواتین کیلئے حوصلہ افزائی کا پیغام دیا ہے، بھارتی میڈیا/ فائل فوٹو
سمرن نے اپنے اس عمل سے خود کو مردوں سے کم سمجھنے والی خواتین کیلئے حوصلہ افزائی کا پیغام دیا ہے، بھارتی میڈیا/ فائل فوٹو

بھارتی ریاست اترپردیش میں ایک دلہن گھوڑی پر سوار ہو کر  خود اپنی بارات میں پہنچ گئی۔

بھارتی میڈیا  پر 25 سالہ سمرن کی ویڈیو شیئر کی گئی ہے جس کے بارے میں بتایا گیا ہےکہ صنفی مساوات کا پیغام عام کرنے اور معاشرے کی رسم و رواج کو توڑنے کیلئے سمرن نے گھوڑی چڑھنے کا فیصلہ کیا۔

بھارتی میڈیا کے مطابق 25 سالہ سمرن چوہدری پیشے کے اعتبار سے سافٹ ویئر انجینئر ہے جو ویڈیو میں سر پر شادی کیلئے کلہ سجائے اور عروسی لباس پہنے گھوڑی چڑھے دیکھی جاسکتی ہے جب کہ اس دوران  تمام رشتے داروں نے بھنگڑا بھی ڈالا۔

اس موقع پر سمرن نے بھارتی میڈیا سے گفتگو  میں کہا کہ’ عام طور پر دلہا گھوڑی پر سوار ہوکر اپنی بارات لاتا ہے لیکن آج ایک دلہن گھوڑی پر سوار ہے، ان کی فیملی کی جانب سے ان کے ساتھ کبھی بھی بیٹی جیسا برتاؤ نہیں کیا گیا اور فیملی کا بھرپور سپورٹ رہا۔'

بھارتی میڈیا کے مطابق سمرن نے اپنے اس عمل سے خود کو مردوں سے کم سمجھنے والی خواتین کیلئے حوصلہ افزا پیغام دیا ہے۔

ادھر سمرن کے چچا نے اپنے انٹرویو میں کہا کہ ' ہم معاشرے میں یہ پیغام دینا چاہتے ہیں کہ لڑکا لڑکی میں کوئی فرق نہیں، سب برابر ہیں'۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM