30 نومبر ، 2022
افغانستان کے صوبے سمنگان کےمدرسے میں نماز کے دوران دھماکے میں 30 افراد جاں بحق ہوگئے۔
افغان میڈیا رپورٹس کے مطابق دھماکا سمنگان کے دارالحکومت ایبک کے ایک مدرسے میں ہوا۔ رپورٹس میں کہا گیا ہے کہ دھماکا عصر کی نمازکے دوران ہوا جس کے نتیجے میں 30 افراد جاں بحق اور 27 زخمی ہوگئے۔
افغان وزارت داخلہ کے ترجمان نے دھماکے میں صرف 10 طلبہ کے جاں بحق ہونے کی تصدیق کی ہے۔
واقعے کی ذمہ داری تاحال کسی گروپ نے قبول نہیں کی۔