02 دسمبر ، 2022 
ہیری بروک نے پاکستان کیخلاف ایک اوور میں 6 چوکے بھی لگائے
02 دسمبر ، 2022
پاکستان کے خلاف پنڈی ٹیسٹ کی پہلی اننگز میں 153 رنز کی شاندار اننگز کھیلنے والے ہیری بروک نے ایک اوور میں 6 چوکے بھی لگائے۔
انگلینڈ نے پاکستان کے خلاف پنڈی ٹیسٹ میں پہلی اننگز میں 657 رنز کا پہاڑ جیسا اسکور بنایا جس میں ہیری بروک کے علاوہ زیک کرالی، اولی پوپ اور بین ڈکٹ کی سنچریاں بھی شامل تھیں۔
انگلینڈ کی پہلی اننگز کے پہلے روز قومی ٹیم کے کپتان بابر اعظم نے سیٹ بیٹر ہیری بروک کو آؤٹ کرنے کے لیے پارٹ ٹائم بولر سعود شکیل کو آزمایا لیکن فلیٹ وکٹ پر یہ تجربہ بالکل ناکام رہا۔
ہیری بروک نے سعود شکیل کے اوور میں 6 گیندوں پر چھ چوکے لگائے اور 24 رنز بٹورے۔
ہیری بروک نے انگلینڈ کی اننگز کے 68 ویں اوور اور سعود شکیل کے دوسرے اورر میں 6 گیندوں پر 6 چوکے لگائے۔
اس حوالے سے ہیری بروک کا کہنا تھا کہ سعود شکیل کے اوور کی تمام گیندیں بہت بری تھیں اور میں انہیں باؤنڈری سے باہر پھینکنا چاہتا تھا جس میں کامیاب رہا۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
