ایلون مسک نے مشہور امریکی ریپر کا ٹوئٹر اکاؤنٹ کیوں معطل کردیا؟

ٹوئٹر کے نئے مالک ایلون مسک نےمشہور امریکی ریپرکین ویسٹ  المعروف 'یے'کا ٹوئٹر اکاؤنٹ معطل کر دیا۔

ایلون مسک نے کہا کہ ٹوئٹر کے تشدد پر اکسانے کے قوانین کی خلاف ورزی کرنے پر جمعہ کو امریکی ریپر یے کا ٹوئٹر اکاؤنٹ دوبارہ معطل کر دیا گیا۔

غیر ملکی میڈیا رپورٹس کے مطابق امریکی ریپر نے یہودیت کی ایک نمایاں علامت اسٹار آف ڈیوڈ کے اندر نازیوں کی علامت سواستیکا کی تصویر ٹوئٹر پر پوسٹ کی تھی۔

ایک صارف کی جانب سے یے کا ٹوئٹر اکاؤنٹ بحال کرنے کی درخواست پر مسک نے کہا کہ  میں نے کافی کوشش کی لیکن اس کے باوجود امریکی ریپر نے پھر تشدد پر اکسانے کے خلاف ہمارے اصول کی خلاف ورزی کی۔

اس سے قبل اکتوبر میں بھی ٹوئٹر نے یہودیوں کے بارے میں دھمکی آمیز اور نفرت انگیز تبصروں والی ٹوئٹس کرنے پر امریکی ریپر کا اکاؤنٹ غیر معینہ مدت کے لیے معطل کردیا تھا تاہم  نومبر میں سے اسے بحال کردیا گیا تھا۔

واضح رہے کہ کین ویسٹ جو قانونی طور پر اپنا نام Ye سے بدل چکے ہیں نے گزشتہ دنوں 2024 کے لیے امریکی صدر کی دوڑ میں شامل ہونے کا اعلان کیا تھا۔ 

ایلون مسک نے تین معطل شدہ ٹوئٹر اکاؤنٹس بحال کردیے، ٹرمپ کا اب تک فیصلہ نہ ہوا

ٹوئٹر کے نئے مالک ایلون مسک نے ٹوئٹر اکاؤنٹس کو بحال کرنا شروع کر دیا ہے جو پہلے تاحیات پابندی کا شکار تھے۔

امریکی ریپر کین ویسٹ کا 2024 کے صدارتی انتخابات میں حصہ لینے کا اعلان

کین ویسٹ نے دعویٰ کیا کہ انہوں نے ڈونلڈ ٹرمپ سے نائب صدر کے امیدوار کے طور پر ان کی مہم کا حصہ بننے کی درخواست کی ہے۔