05 دسمبر ، 2022 
سیلاب زدہ علاقوں کیلئے بھارت سے مچھر دانیوں کی فروخت کھٹائی میں پڑ گئی
05 دسمبر ، 2022
اسلام آباد: سندھ اور پنجاب کے سیلاب زدہ علاقوں میں ملیریا کی وبا سے بچنے کے لیے بھارت سے مچھر دانیوں کی خریداری کھٹائی میں پڑ گئی۔
سندھ اورپنجاب کے سیلاب زدہ علاقوں میں ملیریا کی وبا کے باعث بھارت سے 62 لاکھ مچھر دانیاں منگوانے کا فیصلہ کیا گیا تھا لیکن وفاقی وزارت صحت کے حکام کاکہنا ہےکہ بھارت سے مچھردانیوں کی خریداری کے لیے کابینہ ڈویژن سے این او سی درکار ہے۔
حکام نے کہا کہ بھارت سے پاکستان کے لیے مچھردانیوں کی خریداری گلوبل فنڈکوکرنی ہے، مچھر دانیوں کی خریداری کے لیے وزارت تجارت این اوسی دے چکی۔
حکام کے مطابق بھارت کے علاوہ کسی اور ملک سے مچھر دانیاں بنوانے میں 6 سے 8 ماہ لگ سکتے ہیں جب کہ پاکستانی مینوفیکچررز مقامی طورپربھی اچھی اورمعیاری مچھردانیاں بناسکتے ہیں۔
