05 دسمبر ، 2022 
'اسی کلاس میں بیٹھتا تھا'، حارث رؤف کی اپنی یونیورسٹی کی کلاس میں لیکچر کی ویڈیو وائرل
05 دسمبر ، 2022
قومی ٹیم کے فاسٹ بولر حارث رؤف کی اپنی یونیورسٹی میں لیکچر کی ویڈیو سوشل میڈیا پر زیر گردش ہے۔
حارث رؤف کی ایک ویڈیو ٹوئٹر سمیت فیس بک پر خاصی وائرل ہے جس میں کرکٹر نے اپنی یونیورسٹی کا دورہ کیا جہاں ان کے مداحوں نے انہیں بھرپور انداز میں خوش آمدید کہا۔
اس موقع پر فاسٹ بولر نے کلاس روم میں ٹیچر کی موجودگی میں طالب علموں کے سامنے تقریر بھی کی۔
انہوں نے بتایا کہ میں اسی یونیورسٹی میں اسی کلاس میں بیٹھا کرتا تھا اور یہاں گراؤنڈ میں کھیلتا تھا۔
کرکٹر نے طالب علموں کو نصیحت کرتے ہوئے کہا کہ یہ تصویر وغیرہ ضروری نہیں ہے، کچھ سیکھو زندگی میں وہ بہتر ہے، آپ لوگوں کا پیار دیکھ کے بہت اچھا لگ رہا ہے، میں چاہتا ہوں آپ جس مقصد کے لیے یہاں ہو وہ اچھے سے مکمل ہو، آپ لوگوں کو ڈگری ملے۔
اس کے علاوہ حارث کی دیگر ویڈیوز بھی سوشل میڈیا کی زینت بنی ہوئی ہیں جس میں مداح ان سے اپنی محبت کا اظہار کررہے ہیں۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
5 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
7 گھنٹے پہلے
