09 دسمبر ، 2022 
ابرار ڈیبیو ٹیسٹ میں سات وکٹیں لینے والے تیسرے پاکستانی بولر بن گئے
09 دسمبر ، 2022
انگلینڈ کے خلاف ملتان ٹیسٹ میں ڈیبیو کرنے والے ابرار احمد پہلی اننگز میں اب تک پانچ وکٹیں لے چکے ہیں اور وہ پہلے ٹیسٹ میں 5 وکٹیں لینے والے پاکستان کے 13 ویں بولر بن گئے ہیں۔
انگلینڈ کے خلاف ملتان ٹیسٹ میں ابرار احمد کو ٹیسٹ کیپ ملی اور انہوں نے اپنے پہلے ہی اوور میں جیک کرولی کی وکٹ لی پھر دیکھتے ہی دیکھتے ابرار احمد کھانے کے وقفے سے قبل پانچ وکٹیں لے گئے۔
ابرار احمد سے قبل جن 12 کھلاڑیوں نے ڈیبیو ٹیسٹ میں پانچ وکٹیں لیں، ان میں محمد زاہد، نذیر جونیئر، بلال آصف، عارف بٹ، تنویر احمد، شاہد آفریدی، شاہد نذیر، وہاب ریاض، یاسر عرفات، شبیر احمد، محمد سمیع اور نعمان علی یہ کارنامہ سر انجام دے چکے ہیں۔
پاکستان کی جانب سے محمد نذیر جونیئر اور محمد زاہد ڈیبیو ٹیسٹ کی ایک اننگز میں سات وکٹیں لیکر سر فہرست ہیں۔
نذیر جونیئر نے 1969 میں نیوزی لینڈ کے خلاف کراچی ٹیسٹ میں سات وکٹیں لیں تھیں اور محمد زاہد بھی ڈیبیو ٹیسٹ کی ایک اننگز میں سات وکٹیں لے چکے ہیں۔
اس کے علاوہ محمد زاہد نے نیوزی لینڈ کے خلاف 1996 میں ٹیسٹ میں 9 وکٹیں لیں تھیں جبکہ ابرار احمد ڈیبیو ٹیسٹ کے پہلے دن اور کھانے کے وقفے سے پہلے پانچ وکٹیں لینے والے پہلے پاکستانی اسپینر بھی ہیں۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
3 گھنٹے پہلے
بابر اعظم نے ایک اور اعزاز اپنے نام کرلیا
12 گھنٹے پہلے
باکسنگ ڈے ٹیسٹ میچ کے پیچھے کہانی کیا ہے؟
25 دسمبر ، 2024
