11 دسمبر ، 2022 
ورلڈکپ میں پرتگال کی شکست کے باوجود رونالڈو نے اہم اعزاز حاصل کرلیا
11 دسمبر ، 2022
دنیا ئے فٹ بال کے ٹاپ اسٹرائیکر کرسٹیانو رونالڈو نے جس ٹیم یا کلب کی جانب سے کھیلا اسےچیمپیئن بنوایا بلکہ کئی کئی اعزازت دلوائے مگر اپنے ملک کی ٹیم کیلئے ورلڈکپ فٹ بال کو کبھی یادگار نہ بناسکے جبکہ انہوں نے کوارٹر فائنل کھیل کر ایک اور اعزاز اپنے نام کرلیا۔
کرسٹیانو رونالڈو دوحہ کے الثمامہ اسٹیڈیم میں مراکش کے خلاف ورلڈ کپ کے کوارٹر فائنل میچ کے آغاز پر بینچ پر بیٹھے نظر آئے۔
مراکش کے یوسف النصیری کے گول کرتے ہی ان کی حالت دیکھنےسے تعلق رکھتی تھی اور اس دوران وہ پریشان اور منہ ہی منہ کچھ بڑبڑاتے دکھائی دیے۔
بعد ازاں وہ متبادل کھلاڑی کی حیثیت سے میدان میں گئے اور کئی بار گول کرنے کی کوشش کی لیکن پرتگال گول کرنے میں کامیاب نہ ہوسکا۔
رونالڈو مراکش کے ہاتھوں ورلڈ کپ میں پرتگال کے آؤٹ ہونے کے بعد بے ساختہ رو پڑے اور ان کی روتے ہوئے تصاویر اور ویڈیوز نے دنیا بھر میں ان کے مداحوں کو افسردہ کردیا۔
رونالڈوکو آخری میچ میں متبادل کھلاڑی کی حیثیت سے شامل کیے جانے پر بھی ایک اورعالمی اعزازحاصل ہوگیا۔ وہ کویت کے تجربہ کار فارورڈ بدر المتوی کےسب سے زیادہ 196میچز کھیلنے کا ریکارڈ برابرکرنے والے کھلاڑی بن گئے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
