14 دسمبر ، 2022
بوائے فرینڈ کے ہاتھوں بے دردی سے قتل ہونے والی شردھا کے بعد بھارت میں قتل کی ایک اور رونگھٹے کھڑے کردینے والی واردات سامنے آئی ہے جس میں ایک بیٹے نے باپ کو قتل کر کے لاش کے 32 ٹکرے کیے اور انہیں کنویں میں پھینک دیا۔
بھارتی میڈیا کے مطابق یہ واقعہ بھارتی ریاست کرناٹک کے ایک شہر میں پیش آیا جہاں ایک سفاک بیٹے نے اپنے باپ کو قتل کر کے اس کی لاش کے 32 ٹکرے کر ڈالے۔
میڈیا رپورٹس کے مطابق مرنے والا باپ نشے کا عادی تھا اور روزانہ کی بنیاد پر بیٹوں کو مارتا پیٹتا تھا، بیٹے نے روز روز کی مار پیٹ سے تنگ آکر پہلے لوہے کی راڈ سے باپ کا قتل کیا اور پھر اس کی لاش کے 32 ٹکرے کرکے اپنے فارم میں بنے کھلے کنویں میں پھینک دیے۔
پولیس کے مطابق قتل کا انکشاف ہونے پر کارروائی عمل میں لائی گئی اور بیٹے کو گرفتار کر کے لاش کے ٹکرے ریکور کرنے کیلئے ہیوی مشینری کا استعمال کیا گیا۔