22 دسمبر ، 2022 
بگ بیش لیگ میں آصف علی کی دھواں دار اننگز، میچ پھر بھی نہ جتواسکے
22 دسمبر ، 2022
پاکستان کرکٹ ٹیم کے جارح مزاج بیٹر آصف علی نے آسٹریلیا میں جاری بگ پیش لیگ میں برق رفتار اننگز کھیلی لیکن پھربھی وہ ٹیم کو میچ نہ جتواسکے۔
آصف علی اور شاداب خان ان دنوں آسٹریلیا میں جاری بگ بیش لیگ میں ہوبارٹ ہریکینز کی نمائندگی کر رہے ہیں۔
جمعرات کو سڈنی سکسرز نے ہوبارٹ کے خلاف پہلے بیٹنگ کرتے ہوئے مقررہ 14 اوورز میں 6 وکٹوں پر 137 رنز بنائے، ہدف کے تعاقب میں ہوبارٹ نے مقابلہ اچھا کیا لیکن میچ نہ جیت سکی۔
138 رنز کے ہدف کے تعاقب میں ہوبارٹ کے آصف علی نے اختتامی اوورز میں دھواں دار اننگز کھیل کر ٹیم کو جیت کی امید دلوائی پر وہ میچ ختم نہ کرسکے۔
آصف علی نے 13 گیندوں پر 41 رنز کی اننگز کھیلی، ان کی اننگز میں 3 چھکے اور 4 چوکے شامل تھے۔
سڈنی سکسرز نے ہوبارٹ کو 6 رنز سے شکست دی۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
