24 دسمبر ، 2022 
ڈیوڈ ویزا اور سکندر رضا کی حارث کو نکاح کی مبارکباد، دونوں نے کیا کہا؟
24 دسمبر ، 2022
زمبابوے کے کرکٹر سکندر رضا اور نمیبیا اور پی ایس ایل میں لاہور قلندرز کی نمائندگی کرنے والے ڈیوڈ ویزا نے قومی کرکٹر حارث رؤف کو نکاح کی مبارکباد پیش کی ہے۔
فاسٹ بولر حارث رؤف کا نکاح آج اسلام آباد میں مزنا مسعود ملک سے ہوگاجب کہ رخصتی بعد میں ہو گی، مزنا اور حارث رؤف کلاس فیلو رہ چکے ہیں ۔
لاہور قلندرز کے سوشل میڈیا اکاؤنٹس پر ملکی و غیر ملکی کرکٹرز کی جانب سے مبارکباد کے پیغامات شیئر کیے گئے۔
ڈیوڈ ویزا نے ویڈیو میں کہا کہ 'ہیری، نکاح کی مبارک ہو، آپ کی اور آپ کی اہلیہ کے لیے نیک خواہشات کا اظہار کرتا ہوں، خدا آپ دونوں کو خوشیوں بھری زندگی عطا کرے'۔
پی ایس ایل کے آئندہ سیزن میں قلندرز کا حصہ بننے والے سکندر رضا نے بھی حارث کو مبارکباد دی اور پیغام میں کہا کہ 'حارث آپ کو زندگی کی دوسری طرف خوش آمدید، امید کرتا ہوں یہ نئی زندگی بھی اتنی کامیاب رہے گی جتنا کریئر کامیاب رہا'۔
سکندر رضا نے مزید کہا کہ 'دعا کرتا ہوں، یہ نئی زندگی آپ کے لیے ڈھیروں خوشیاں لائے، میری اور میری فیملی کی آپ کے لیے بہت سی دعائیں ہیں'۔
اس کے علاوہ لاہور قلندرز کی فرنچائز سے منسلک دیگر کھلاڑیوں نے بھی حارث کو مبارکباد پیش کی۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
10 گھنٹے پہلے
