31 دسمبر ، 2022 
پاکستان
مدثر مرزا چیئرمین ایڈیٹوریل بورڈ کے ساتھ ساتھ روزنامہ جنگ کے ڈپٹی ایڈیٹر کے طور پر بھی فرائض سر انجام دے رہے تھے۔ فوٹو فائل
روزنامہ جنگ کے ڈپٹی ایڈیٹر مدثر مرزا انتقال کر گئے
31 دسمبر ، 2022
روزنامہ جنگ کراچی کے ڈپٹی ایڈیٹر مدثر مرزا 70 برس کی عمر میں انتقال کر گئے۔
5 اپریل 1952 کو پیدا ہونے والے مدثر مرزا طویل عرصے سے روزنامہ جنگ کراچی سے وابستہ تھے، وہ چیئرمین ایڈیٹوریل بورڈ کے ساتھ ساتھ روزنامہ جنگ کے ڈپٹی ایڈیٹر کے طور پر بھی فرائض سر انجام دے رہے تھے۔
گزشتہ رات 31 دسمبر کے روزنامہ جنگ کی کاپی فائنل کرکے وہ رات گئے گھر چلے گئے تھے۔ مدثر مرزا کے اہل خانہ اسلام آبادگئے ہوئے ہیں اور وہ گھر پر اکیلے تھے۔
مسلسل رابطہ کرنے کے باوجود ان کا فون ریسیو نہیں ہوا تو پڑوسیوں نے گھر پہنچ کر کمرے کا دروازہ توڑ کر انہیں باہر نکالا تو وہ حیات نہیں تھے۔
