08 جنوری ، 2023 
پاکستان
کراچی میں سیاسی سرگرمیوں پر کوئی پابندی نہیں ہے، ایم کیو ایم جب چاہے انتخابی مہم شروع کر سکتی ہے: صوبائی وزیر— فوٹو: فائل
پی ٹی آئی کراچی سے فارغ ہوچکی، اگلا میئر پی پی کا ہی ہوگا: سعید غنی کا دعویٰ
08 جنوری ، 2023
صوبہ سندھ کے وزیر و پاکستان پیپلزپارٹی کے رہنما سعید غنی نے دعویٰ کیا ہے کہ کراچی کا اگلا میئر پی پی پی کا ہوگا۔
سعید غنی کا کہنا تھاکہ کراچی میں سیاسی سرگرمیوں پر کوئی پابندی نہیں ہے، ایم کیو ایم جب چاہے انتخابی مہم شروع کر سکتی ہے۔
انہوں نے دعویٰ کیا کہ پی ٹی آئی کراچی سے فارغ ہوچکی ہے، کراچی کا اگلا میئر پی پی پی کا ہی ہوگا۔
ان کا کہنا تھاکہ الیکشن کمیشن کے قوانین سے واقف ہیں، الیکشن کمیشن کے قوانین کی کوئی خلاف ورزی نہیں کی۔
خیال رہے کہ 15 جنوری کو کراچی میں بلدیاتی انتخابات ہوں گے۔
