18 جنوری ، 2023 
مائیکرو سافٹ کی جانب سے 11 ہزار ملازمین کو فارغ کیے جانے کا امکان
18 جنوری ، 2023
مائیکرو سافٹ کی جانب سے آئندہ چند دن میں بڑے پیمانے پر ملازمین کو نکالنے کا اعلان کیے جانے کا امکان ہے۔
اسکائی نیوز کی رپورٹ کے مطابق ٹیکنالوجی کمپنی کی جانب سے اس ہفتے 5 فیصد ملازمین کو فارغ کرنے کا اعلان ہوسکتا ہے۔
رپورٹ میں بتایا گیا کہ مائیکرو سافٹ کے ملازمین کی مجموعی تعداد 2 لاکھ 20 ہزار ہے جن میں سے 11 ہزار کو ملازمت سے فارغ کردیا جائے گا۔
دوسری جانب بلومبرگ نے ایک الگ رپورٹ میں فارغ کیے جانے والے ملازمین کی تعداد تو نہیں بتائی مگر اس رپورٹ کے مطابق متعدد انجینئرنگ ڈویژن اس چھانٹی سے متاثر ہوسکتے ہیں۔
رپورٹ کے مطابق فارغ کیے جانے والے ملازمین کی تعداد 2022 میں مائیکرو سافٹ کی جانب سے مختلف مراحل میں نکالے گئے افراد سے کافی زیادہ ہوگی۔
مائیکرو سافٹ کے ایک ترجمان نے اس حوالے سے بات کرنے سے انکار کرتے ہوئے کہا کہ ہم افواہوں یا قیاس آرائیوں پر بیان جاری نہیں کرسکتے۔
خیال رہے کہ اس سے قبل گزشتہ سال میٹا کی جانب سے بھی 11 ہزار ملازمین کو فارغ کردیا گیا تھا۔
البتہ یہ تعداد ایمازون کے مقابلے میں کم ہے جس کی جانب سے 18 ہزار ملازمین کی چھانٹی کا اعلان کیا گیا تھا۔
مزید خبریں :
روپے کے مقابلے ڈالر کی قدر میں کمی
26 دسمبر ، 2024
پاکستان اسٹاک ایکسچینج کے 100 انڈیکس میں مزید کمی
26 دسمبر ، 2024
ملک میں سونےکی قیمت میں اضافہ ہوگیا
26 دسمبر ، 2024
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
