میئر کراچی کیلئے جماعت اسلامی اور پیپلز پارٹی کے رابطے پر شاہ محمود کا ردعمل

پاکستان تحریک انصاف کے سینیئر رہنما شاہ محمود قریشی نے کراچی میں میئر کے عہدے کیلئے جماعت اسلامی اور پیپلز پارٹی کے درمیان رابطے پر ردعمل دیا ہے۔

پیپلز پارٹی نے میئر سے متعلق بات شروع کی تو جماعت اسلامی نے کیاکہا؟ تفصیل سامنے آگئی

پیپلز پارٹی کے وفد نے مئیر کراچی کے عہدے کیلئے جماعت اسلامی سے بات کی لیکن جماعت اسلامی نے مؤقف اپنایا کہ میئر سے پہلے نتائج تبدیل کیے جانے کے معاملے پر بات کی جائے

میڈیا سے گفتگو میں شاہ محمود قریشی نے کہا کہ یہ جماعت اسلامی کو کوستے رہے آج ان کو دعوت دے رہے ہیں، جماعت اسلامی کو بھی سوچنا ہوگا ان کا دعویٰ رہا ہے کرپشن فری پاکستان، پیپلزپارٹی کے ساتھ مل کر میئر شپ حاصل کرنا چاہتے ہیں تو آپ کے مؤقف کی نفی ہوجاتی ہے۔

خیال رہے کہ گزشتہ روز امیر جماعت اسلامی کراچی حافظ نعیم الرحمان اور پیپلز پارٹی کے رہنما سعید غنی کے درمیان ملاقات ہوئی تھی جس میں کراچی کے بلدیاتی الیکشن کے حوالے سے گفتگو ہوئی تھی۔