بھارت نے گجرات فسادات کا ذمہ دار مودی کو قرار دینے والی ڈاکیومینٹری پر پابندی لگا دی

بھارت نے گجرات فسادات کا ذمہ دار مودی کو قرار دینے والی برطانوی نشریاتی ادارے بی بی سی کی ڈاکیومینٹری(دستاویزی فلم)  کو پروپیگنڈا قرار دے کر پر پابندی ہی لگا دی۔

برطانوی نشریاتی ادارے کی جانب سے بھارتی وزیر اعظم نریندر مودی پر بنائی گئی دستاویزی فلم ' انڈیا: دی مودی کویسچن ' میں برطانوی دفترِ خارجہ کی ایک خفیہ رپورٹ کا انکشاف کیا گیا ہے جس میں مودی کو گجرات میں مسلم کش فسادات کا ذمہ دار قرار دیا گیا۔ 

دستاویزی فلم میں سوال اٹھایا گیا ہے کہ نریندر مودی  بطور وزیر اعلیٰ 2002 کے گجرات فسادات کو روکنے اور ملوث افراد کے خلاف کارروائی میں ناکام کیوں ہوئے؟

گجرات میں مسلمانوں کا قتل عام: پاکستان نے بھارتی وزارت خارجہ کا بیان مسترد کر دیا

حقیقت یہ ہے گجرات کی قتل و غارت میں ملوث افراد عدالتی انصاف سے بچ گئے: ترجمان دفتر خارجہ

بی بی سی کا کہنا ہے کہ دستاویزی فلم کی تیاری میں تمام ادارتی معیارات کا خیال رکھتے ہوئے منصفانہ تحقیق کی گئی ، بی جے پی سمیت تمام حلقوں، عینی شاہدین اور ماہرین کی آراء کو بنیاد بنایا گیا، حتیٰ کہ بھارتی حکومت سے بھی رجوع کیا گیا لیکن مودی سرکار نے اپنا مؤقف دینے سے انکار کر دیا۔  

دوسری جانب بھارت نے بھارتی وزیر اعظم نریندر مودی پر بنائی گئی دو حصوں پر مشتمل اس دستاویزی فلم کو پروپیگنڈا قرار دے کر پابندی لگا دی۔