25 جنوری ، 2023 
پاکستان
فوٹو: فائل
اورنگی ٹاؤن میں گیس کے دھماکے میں خاتون جاں بحق، 5 افراد جھلس گئے
25 جنوری ، 2023
اورنگی ٹاؤن کے گھر میں گیس کے دھماکے میں خاتون جاں بحق جبکہ اس کے شوہر سمیت 5 افراد جھلس کر زخمی ہو گئے۔
دھماکے کا واقعہ اورنگی ٹاؤن سیکٹر 11 منصور نگر میں G/10 روٹ کی بس کے اسٹاپ کے قریب گھر میں پیش آیا۔
گیس لائن پھٹنے سے ایک خاتون اور بچوں سمیت 6 افراد زخمی ہوئے تھے جنہیں سول اسپتال کے برنس وارڈ منتقل کیا گیا جہاں 20 سالہ نورین زوجہ ذیشان علاج کے دوران چل بسی۔
دیگر جھلسنے والوں میں ثنیہ دختر بشیر عمر 15 سال، سفیان بشیر عمر 16 سالہ، 18 سالہ احسن بشیر، ذیشان بشیر 25 سال اور بشیر رمضان 45 سال شامل ہیں۔
