25 جنوری ، 2023 
پاکستان
آزادی اظہار کی آڑ میں وقتاً فوقتاً اس قسم کے گستاخانہ اقدامات کسی صورت بھی قابلِ قبول نہیں: مولانا طارق جمیل/ فائل فوٹو
سویڈن میں قرآن پاک کی بے حرمتی: ’مسلم ممالک معاملہ عالمی سطح پر اٹھائیں‘
25 جنوری ، 2023
معروف مذہبی اسکالر اور عالم دین مولانا طارق جمیل نے سویڈن میں قرآن پاک کی بے حرمتی کی شدید مذمت کی ہے۔
ٹوئٹر پر جاری بیان میں مولانا طارق جمیل نے لکھا کہ سویڈن میں قرآن مجید نذرِ آتش کیے جانے کا واقعہ انتہائی قابلِ مذمت ہے. آزادی اظہار کی آڑ میں وقتاً فوقتاً اس قسم کے گستاخانہ اقدامات کسی صورت بھی قابلِ قبول نہیں۔
انہوں نے لکھا ضروری ہے کہ تمام مسلم ممالک یکجا ہو کر اس واقعے کو عالمی سطح پر اٹھائیں اور ان کے سدِ باب کے لیے بھرپور اقدامات کریں۔
واضح رہے کہ سویڈن میں قرآن پاک کی بے حرمتی کیخلاف پاکستان سمیت دیگر اسلامی ممالک میں شدید احتجاج اور مظاہروں کا سلسلہ جاری ہے۔
