25 جنوری ، 2023 
انسٹاگرام میں ڈائنامک پروفائل فوٹو لگانے کا طریقہ جانیں
25 جنوری ، 2023
انسٹاگرام نے ایک نیا فیچر ڈائنامک پروفائل فوٹو متعارف کرا دیا ہے۔
اس فیچر سے صارفین پروفائل فوٹو اور ڈیجیٹل اواتار کو بیک وقت پروفائل پکچر کے طور پر استعمال کرسکیں گے۔
اس فیچر سے قبل صارفین پروفائل فوٹو یا اواتار میں سے کسی ایک کو پروفائل کے لیے استعمال کرسکتے تھے۔
مگر اب دونوں کو کسی سکے کی طرح گھما کر دیکھنا ممکن ہوجائے گا۔
میٹا کی زیرملکیت فوٹو شیئرنگ ایپ نے ایک ٹوئٹ میں بتایا کہ اب آپ اپنی تصویر کی دوسری جانب اواتار کا اضافہ کرسکتے ہیں۔
کمپنی کے مطابق پروفائل پر آنے والے افراد تصویر پر کلک کرکے دونوں پروفائل فوٹوز کو دیکھ سکیں گے۔
فیچر کو استعمال کرنے کا طریقہ
اس فیچر کو استعمال کرنا بھی آسان ہے بس ایڈٹ پروفائل بٹن پر کلک کریں اور وہاں اپنے ڈیجیٹل اواتار کا اضافہ کریں۔
ایسا کرنے کے بعد آپ کی پروفائل فوٹو خودکار طور پر اواتار کے ساتھ منسلک ہوجائے گی۔
سوشل میڈیا نیٹ ورک کے مطابق یہ پہلی بار ہے جب اواتار animation کو متعارف کرایا جارہا ہے۔
انسٹاگرام میں اواتار بنانے کا فیچر 2022 میں متعارف کرایا گیا تھا اور اب اسے ڈائنامک پروفائل فوٹو فیچر سے زیادہ نمایاں کیا جارہا ہے۔
میٹا کی دیگر ایپس جیسے فیس بک، واٹس ایپ اور میسنجر میں بھی ڈیجیٹل اواتار بنانا ممکن ہے، مگر ڈائنامک پروفائل فوٹو کا فیچر ابھی ان سروسز کا حصہ نہیں بنا۔
مزید خبریں :
یوٹیوب نے صارفین کو کمانے کا ایک نیا ذریعہ فراہم کر دیا
15 نومبر ، 2024
واٹس ایپ میں نیا ڈرافٹ فیچر متعارف، استعمال کا طریقہ بھی جانیں
15 نومبر ، 2024
یورپی کمیشن نے میٹا پر 78 کروڑ یورو سے زائد جرمانہ عائد کر دیا
15 نومبر ، 2024
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
