28 جنوری ، 2023 
سوئی ناردرن کے گیس منصوبے کی بروقت تکمیل: وزیر مملکت مصدق ملک نے افتتاح کردیا
28 جنوری ، 2023
لاہور: وزیر مملکت برائے توانائی سینیٹر مصدق ملک نے ضلع حافظ آباد میں گیس ٹرانسمیشن منصوبے کا افتتاح کردیا۔
اس موقع پر وزیراعظم کے معاون خصوصی برائے داخلہ و قانونی امور عطا اللہ تارڑ، سابق رکن قومی اسمبلی سائرہ افضل تارڑ، میاں شاہد حسین بھٹی اور مینیجنگ ڈائریکٹر سوئی ناردرن علی جے ہمدانی بھی موجود تھے۔
2،142 ملین روپے کی لاگت سے مکمل کیے گئے اس منصوبے سے 150 دیہاتوں کی 57،000 سے زائد آبادی مستفید ہوگی۔
اس منصوبے پر سوئی ناردرن نے 1،609 ملین روپے خرچ کیے جب کہ باقی ماندہ 533 ملین روپے حکومت پاکستان کی جانب سے فراہم کیے گئے۔
مذکورہ گیس ٹرانسمیشن منصوبے میں 8 انچ قطر کی 25.3 کلومیٹر طویل ٹرانسمیشن لائن کے علاوہ 582 کلومیٹر طویل ڈسٹری بیوشن نیٹ ورک اور پنڈی بھٹیاں کے مقام پر سیلز میٹرنگ اسٹیشن (ایس ایم ایس) بھی شامل ہے۔
منصوبے میں شامل ڈسٹری بیوشن نیٹ ورک کو پہلے سے موجود سپلائی مین سے منسلک کرکے کمیشن کیا جاچکا ہے۔ اس منصوبے سے جہاں نئے صارفین کو گیس سپلائی ممکن ہوسکے گی وہیں پنڈی بھٹیاں، کوٹ سرور، کلے کی منڈی، جلال پور بھٹیاں اور ملحقہ علاقوں میں گیس کے پریشر کا مسئلہ بھی حل ہوجائے گا۔
مزید خبریں :
گیس قیمتوں کے تعین سے متعلق سوئی ناردرن کا مؤقف سامنے آگیا
28 مارچ ، 2024
عامر طفیل کو سوئی ناردرن کا منیجنگ ڈائریکٹر مقرر کردیا گیا
05 جنوری ، 2024
ریڈمی 12 سی، کم بجٹ میں بہترپرفارمنس کا طاقتور فون
16 جون ، 2023
سوئی ناردرن ہیڈ آفس میں ڈے کیئر سینٹر کا افتتاح
29 اپریل ، 2023
