30 جنوری ، 2023 
پاکستان
فوٹو:فائل
کراچی :لائنز ایریا میں فائرنگ سے پولیس افسر جاں بحق
30 جنوری ، 2023
کراچی شرقی کے بریگیڈ تھانے کی حدود لائنز ایریا میں نامعلوم افراد کی فائرنگ سے پولیس افسر جاں بحق ہوگیا۔
پولیس کے مطابق واقعہ لائنز ایریا میں خطرناک موڑ کے قریب ہوا، نابالغ اسٹیشن میں تعینات اسسٹنٹ سب انسپکٹر محمد اقبال کو چار گولیاں لگیں۔
پولیس کا کہنا ہے کہ اے ایس آئی محمد اقبال کو فوری طور پر جناح اسپتال منتقل کیا گیا تاہم وہاں پہنچنے تک ڈاکٹروں نے ان کی موت کی تصدیق کردی۔
اطلاع ملتے ہی سینیئر سپریٹینڈنٹ آف پولیس (ایس ایس پی) ایسٹ سید عبدالرحیم شیرازی اسپتال پہنچ گئے۔
اطلاعات کے مطابق پولیس افسر محمد اقبال پولیس پارٹی کے ہمراہ کسی مقام پر چھاپہ مارنے کے لیے جا رہے تھے کہ پر نامعلوم افراد نے حملہ کیا۔
