02 فروری ، 2023 
آئی ایم ایف نے بجلی کی تقسیم کار کمپنیوں کی کارکردگی کو غیر تسلی بخش قرار دیدیا
02 فروری ، 2023
عالمی مالیاتی فنڈ (آئی ایم ایف) نے بجلی کی سرکاری تقسیم کار کمپنیوں کی کارکردگی پر عدم اعتماد کا اظہار کر دیا۔
آئی ایم ایف اور حکومت پاکستان کے درمیان مذاکرات کا تیسرا روز ہے، دونوں فریقین کے درمیان تکنیکی مذاکرات مکمل ہونے پر پالیسی مذاکرات کا آغاز ہو گا۔
ذرائع کا بتانا ہے کہ آئی ایم ایف نے بجلی کی حکومتی تقسیم کار کمپنیوں کی کارکردگی پر عدم اعتماد کا اظہار کرتے ہوئے ڈسکوز کے 100 فیصد بل وصولی میں ناکامی پر شدید تحفظات کا اظہار کیا ہے۔
ذرائع کا کہنا ہے کہ آئی ایم ایف کا مؤقف ہے حکومتی کمپنیوں کی کارکردگی بہتر بنائے بغیر گردشی قرض کا خاتمہ ممکن نہیں، 100 فیصد بل وصولی کے بغیر پاور سیکٹر کا گردشی قرض ختم نہیں ہو سکتا۔
ذرائع کے مطابق آئی ایم ایف نے 3 ڈسکوز کے علاوہ دیگر تمام ڈسکوز کی کارکردگی کو غیر تسلی بخش قرار دیتے ہوئے حکومت پاکستان کو ڈسکوز کی طرف سے بجلی بل وصولی یقینی بنانے کا مطالبہ کیا ہے۔
ذرائع کا بتانا ہے کہ آئی ایم ایف نے گردشی قرض مینجمنٹ پلان کے اہداف، بجلی ٹیرف میں سبسڈی ختم کرنے اور صنعتی شعبے کی ٹیرف سبسڈی کے خاتمے کا مطالبہ کیا ہے۔
مزید خبریں :
پاکستانی روپے کی شرح تبادلہ میں اضافہ ریکارڈ
10 گھنٹے پہلے
عالمی منڈی میں خام تیل کی قیمتوں میں 3 فیصد تک اضافہ
19 نومبر ، 2024
انٹربینک میں ڈالر مہنگا ہوگیا
18 نومبر ، 2024
پی ایس ایکس: 100 انڈیکس ایک بار پھر بلند ترین سطح عبور کرگیا
18 نومبر ، 2024
