08 فروری ، 2023 
پاکستان
پاپوش نگر قبرستان کے قریب سے ایک شخص کی لاش کے کچھ ٹکڑے ملے جنہیں بیگ میں بند کرکے پھینکا گیا تھا/ فوٹو جیونیوز
کراچی: قتل کی پراسرار واردات، مختلف مقامات سے لاش کے ٹکڑے برآمد
08 فروری ، 2023
کراچی میں مختلف مقامات سے ایک ہی لاش کے ٹکڑے برآمد کیے گئے ہیں۔
ریسکیو ذرائع کےمطابق پاپوش نگر قبرستان کے قریب سے ایک شخص کی لاش کے کچھ ٹکڑے ملے جنہیں بیگ میں بند کرکے پھینکا گیا تھا۔
ریسکیو حکام نے بتایا کہ بیگ سے مقتول کا دھڑ ملا ہے اور تھوڑے فاصلے پر بنارس پل کے نیچے سے ایک ہاتھ بھی ملا ہے۔
ریسکیو حکام کا کہنا ہےکہ لاش قابل شناخت نہیں ہے جب کہ لاش کی ٹانگوں کی تلاش جاری ہے۔
دوسری جانب پولیس کا کہنا ہےکہ سفری بیگ سے ایک چھتی اور خاتون کا دوپٹا بھی ملا ہے جب کہ جس مقام سے انسانی بازو ملا وہاں سے بھی خاتون کے کپڑے ملے ہیں، انسانی بازوؤں کے فنگر پرنٹس ڈیوائس سے شناخت کی کوشش کی جارہی ہے۔
