09 فروری ، 2023 
شاداب خان کا شادی کے بعد سوشل میڈیا پر پہلا بیان
09 فروری ، 2023
قومی ٹیم کے بولنگ آل راؤنڈر شاداب خان نے ثقلین مشتاق کی بیٹی سے شادی کے بعد سوشل میڈیا پر پہلا بیان جاری کیا ہے۔
شاداب خان آج اپنی دلہن کو لینے ثقلین مشتاق کے گھر پہنچے تھے، اس موقع پر انہوں نے سفید شیروانی اور سفید رنگ کا قلا پہن رکھا تھا جس کی تصاویر بھی انہوں نے سوشل میڈیا پر شیئر کیں۔
اب قومی کرکٹر نے سوشل میڈیا پر اپنے پیغام میں لکھا کہ الحمد اللہ، آج میرے لیے اور میری فیملی کے لیے بہت مبارک دن ہے، آج میری بارات ہے۔
شاداب خان نے مزید لکھا امید ہے کہ میں اپنی بہترین بیوی کے لیے اچھا شوہر ثابت ہوں گا، میری فیملی کی پرائیویسی کا خیال رکھنے کے لیے سب کا بہت بہت شکریہ۔
گزشتہ روز شاداب خان کی مہندی کی تقریب کی تصاویر اور ویڈیوز بھی سوشل میڈیا پر وائرل ہوئی تھیں۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
