13 فروری ، 2023 
حسن علی نے شاداب کو شادی پر کیا تحفہ دیا ؟
13 فروری ، 2023
قومی کرکٹر حسن علی کا کہنا ہے کہ شاداب خان کی شادی ان کے گھر کی شادی تھی اور شاداب شادی پر ان کے دیے گئے تحفے سے بہت خوش ہے۔
کراچی میں پی ایس ایل 8 کے ایکشن سے قبل میڈیا سے گفتگو کے دوران صحافی نے حسن علی سے سوال کیا کہ آپ نے شاداب کو ذاتی طور پر کیا تحفہ دیا؟ جس پر حسن نے بتایا کہ مجھ سے جو ہوسکا میں نے شاداب کو وہ دیا اور وہ میرے دیے گئے تحفے سے وہ بہت خوش ہے۔
انہوں نے کہا کہ شاداب کی شادی میرے گھر کی شادی تھی اور اگر میں یہاں نہیں تھا تو شاداب کی شادی پر میری فیملی موجود تھی، شاداب کی شادی ہم نے آرگنائز کی اور وہ شادی سے بہت خوش ہے۔
حسن علی نے شاداب کیلئے دعا کرتے ہوئے کہا کہ امید کروں گا وہ ہمیشہ ایسے ہی خوش رہے، اللہ پاک دونوں کی جوڑی سلامت رکھے۔
دوسری جانب حسن کا یہ بھی کہنا تھا کہ شادی پر ویسے تو شاداب خان کو بہت تحفے مل گئے ہیں لیکن اگر اسلام آباد کی ٹیم جیت گئی تو یہ بھی شاداب خان کی شادی کا ایک تحفہ ہوگا۔
