13 فروری ، 2023 
کراچی ائیرپورٹ کے مسافروں کو لوٹنے والے 2 ملزمان زخمی حالت میں گرفتار
13 فروری ، 2023
کراچی ائیر پورٹ کے مسافروں کو لوٹنے والے گروہ کے دو ملزمان کو بہادر آباد پولیس نے مقابلے کے بعد زخمی حالت میں گرفتار کرلیا۔
سینیئر سپرنٹنڈنٹ پولیس (ایس ایس پی) شرقی زبیر نذیر شیخ کے مطابق بہادر آباد میں گشت پر مامور پولیس پارٹی نے حیدر علی روڈ پر سدا بہار شادی حال کوکن پارک کے قریب موٹر سائیکل پر سوار 2 ملزمان کو رکنے کا اشارہ کیا جنہوں نے فائرنگ کرتے ہوئے فرار ہونے کی کوشش کی۔
انہوں نے بتایا کہ پولیس کی جوابی فائرنگ سے ملزمان ہیرن ولد ڈیوڈ اور رینی ولد میتھیو زخمی ہوگئے جنہیں گرفتار کر لیا گیا، ملزمان کے قبضے سے غیرقانونی دو پستول بمعہ راؤنڈز، 4 موبائل فونز اور موٹرسائیکل برآمد ہوئی۔
پولیس کے مطابق گرفتار زخمی ملزمان کو طبی امداد کیلئے اسپتال منتقل کردیا گیا۔
حکام نے بتایا کہ ملزمان نے ابتدائی تفتیش کے دوران مختلف وارداتوں میں ملوث ہونے کا انکشاف کیا، ملزمان کا سابقہ ریکارڈ چیک کیا جا رہا ہے اور ملزمان سے مزید تفتیش کی جاری ہے۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
