15 فروری ، 2023 
کراچی اور پشاور کے میچ میں قلندرز کی دلچسپی، کھلاڑیوں کو ملتان کیخلاف میچ کی یاد دلا دی
15 فروری ، 2023
ایچ بی ایل پاکستان سپر لیگ (پی ایس ایل) 8 میں منگل کو کھیلے جانے والے کراچی کنگز اور پشاور زلمی کے میچ میں لاہور قلندرز کے کھلاڑیوں کی بھی دلچسپی دکھائی دی۔
منگل کو پی ایس ایل کے 8 ویں ایڈیشن کے دوسرے میچ میں پشاور زلمی نے سنسنی خیز مقابلے کے بعد کراچی کنگز کو 2 رنز سے شکست دی۔
اس دلچسپ میچ کو لاہور قلندز کے کھلاڑیوں نے بھی ہوٹل میں ساتھ مل کر دیکھا۔
پشاور زلمی اور کراچی کنگز کے میچ کے اختتامی لمحات نے لاہور قلندرز کے کھلاڑیوں کو ملتان سلطانز کے خلاف اپنا میچ یاد دلایا۔
لاہور قلندرز کے بیٹر سکندر رضا میچ کے آخری لمحات میں تبصرہ کرتے رہے جبکہ زلمی کے بولرز کی نو بال نے زمان خان کی وائیڈ بال کی یاد دلائی۔
واضح رہے کہ ایک روز قبل لاہور قلندرز نے سنسنی خیز مقابلے کے بعد ملتان سلطانز کو ایک رن سے ہرایا تھا۔
