16 فروری ، 2023 
کھیل
کراچی کنگز کی جانب سے میر حمزہ کی جگہ عاکف جاوید کو اسکواڈ میں شامل کر لیا گیا ہے— فوٹو: فائل
کراچی کنگز کے میر حمزہ انجرڈ، کس نے ٹیم میں جگہ بنائی؟
16 فروری ، 2023
پاکستان سپر لیگ (پی ایس ایل) کے دوران کراچی کنگز کی جانب سے میر حمزہ کی جگہ عاکف جاوید کو اسکواڈ میں شامل کر لیا گیا ہے۔
پی ایس ایل کی ایونٹ ٹیکنیکل کمیٹی نے کراچی کنگز کے اسکواڈ میں تبدیلی کی منظوری دیدی۔
کراچی کنگز کے فاسٹ بولر میر حمزہ پشاور زلمی کے خلاف میچ کے دوران انگلی میں فریکچر ہونے کے باعث انجرڈ ہوئے تھے۔
میچ کے بعد میر حمزہ کو اسکین کیلئے اسپتال لے جایا گیا تھا، اسکین رپورٹ کے بعد میر حمزہ کے ٹورنامنٹ سے باہر ہونے کی تصدیق کردی گئی تھی۔
میر حمزہ کی انجری کی تصدیق کے بعد کراچی کنگز انتظامیہ کی جانب سے میر حمزہ کے متبادل کیلئے ٹیکنیکل کمیٹی سے درخواست کی گئی تھی۔
