17 فروری ، 2023 
کراچی کنگز کے حیدرعلی نے شکست کا ذمہ دار کس کو ٹھہرایا؟
17 فروری ، 2023
پاکستان سپر لیگ (پی ایس ایل) کی ٹیم کراچی کنگز کےبیٹر حیدر علی نے کہا ہے کہ بدقسمتی سے دونوں میچز ہار گئے، شکست کا ذمہ دار کسی کو قرار نہیں دیا جاسکتا، دونوں میچز جیت کے قریب پہنچ کر ہارے ہیں۔
کراچی میں میچ کے بعد پریس کانفرنس کرتے ہوئے حیدرعلی نے کہا کہ دو میچ ضرور ہار گئے لیکن کوشش ہے کم بیک کریں، ہوم گراؤنڈ پر باقی دو میچز ہمارے لیے بہت اہم ہیں، پوری کوشش ہوگی دونوں میچز جیتیں۔
انہوں نے کہا کہ ٹی ٹوئنٹی میں کبھی بھی کوئی نمبر مل جاتا ہے، جس نمبر پر جگہ ملے گی، میں پرفارم کروں گا، ٹیم جس نمبر پر بھیجے میں تیار ہوں، مجھے کسی بھی نمبر بھیجیں ہدایت یہ ہوتی ہے کہ اپنی بیسٹ کرکٹ کھیلیں۔
حیدر علی کا کہنا تھا کہ دو اوورز پہلے اسلام آباد نے ہدف مکمل کیا، میچ میں ایسا ہوتا رہتا ہے، ڈیو فیکٹر تھا ہوسکتا ہے اس وجہ سے زیادہ اچھی بولنگ نہیں ہوسکی، کھلاڑی کوشش کرتا ہے، کوئی بھی یہ نہیں چاہتا رنز کم بنائے۔
ان کا کہنا تھا کہ منیجمنٹ کی جانب سے مکمل سپورٹ ہے، وسیم اکرم بھائی بہت کچھ سکھاتے ہے، انہوں نے نیچرل گیم کھیلنے کا کہا ہے۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
