18 فروری ، 2023 
پاکستان
جوڈیشل مجسٹریٹ عمر شبیر نے شیخ رشید کی موبائل فونز اور قیمتی گھڑیوں کی سپرداری سے متعلق درخواست پر محفوظ فیصلہ سنایا۔ فوٹو فائل
شیخ رشید کی موبائل فونز اور گھڑیوں کی حوالگی کی درخواست خارج
18 فروری ، 2023
ڈسٹرکٹ اینڈ سیشن کورٹ اسلام آباد نے عوامی مسلم لیگ کے سربراہ شیخ رشید کے موبائل فونز اور قیمتی گھڑیوں کی سپرداری کی درخواست خارج کر دی۔
شیخ رشید کے موبائل فونز اور قیمتی گھڑیوں کی سپرداری سے متعلق درخواست کی سماعت ڈسٹرکٹ اینڈ سیشن کورٹ اسلام آباد میں ہوئی۔
جوڈیشل مجسٹریٹ عمر شبیر نے شیخ رشید کی موبائل فونز اور قیمتی گھڑیوں کی سپرداری سے متعلق درخواست پر پہلے سے محفوظ فیصلہ سناتے ہوئے سربراہ عوامی مسلم لیگ کی درخواست خارج کر دی۔
یاد رہے کہ شیخ رشید کو سابق صدر آصف علی زرداری پر عمران خان کے قتل کے الزامات کے مقدمے میں گرفتار کیا گیا تھا اور دو روز قبل ہی ضمانت منظور ہونے کے بعد انہیں اڈیالہ جیل سے رہا کیا گیا تھا۔
