غصہ کیا توکلپ بننا شروع ہوجائیں گے، نیچرل اسٹائل نہیں چھوڑسکتا: سرفراز

ایچ بی ایل پی ایس ایل سیزن 8  کی  ٹیم کوئٹہ گلیڈی ایٹرز کے کپتان سرفراز احمد اپنے نیچرل اسٹائل سے متعلق بات کرتے ہوئے ہنس پڑے۔

گزشتہ روز کراچی کنگز کے خلاف فتح کے بعد کی گئی پریس کانفرنس میں کوئٹہ گلیڈی ایٹرز کے کپتان سرفراز  احمد نےکہا کہ اللہ کا شکر ادا کریں گے کہ ٹورنامنٹ میں پہلی کامیابی ملی،  جس طرح مارٹن گپٹل نے کھیلا، ایسا بہت کم دیکھنے کو ملتا ہے، پی ایس ایل کی تمام سنچریوں میں سب سے بہتر سنچری گپٹل نےکی۔

 سرفراز احمدکا کہنا تھا کہ  بولرز نے بھی بہت زبردست بولنگ کی، ہم نے بیٹنگ اور بولنگ دونوں میں آخری 5  اوورز میں اچھی بولنگ کی،ہمارے پاس بولنگ آپشن کافی اچھے ہیں، پلیئرز کو کہا ہےکہ اپنا نیچرل گیم کھیلیں،ابتدائی6 اوورز میں زیادہ وکٹیں گنوا رہے ہیں، اس کو کنٹرول کرنا ہے، نسیم اور حسنین کے آخری لمحات کے اوورز  بہترین اوور  تھے،  ٹی ٹوئنٹی میں بیٹسمینوں کا فکسڈ نمبر نہیں ہوتا۔

کراچی کنگز کی مسلسل تیسری شکست، کوئٹہ نے 6 رنز سے میچ جیت لیا

شعیب ملک اور عرفان خان کی اننگز رائیگاں گئیں، شاندار بیٹنگ پر مارٹن گپٹل کو پلیئر آف دی میچ قرار دیا گیا

 کوئٹہ گلیڈی ایٹرز کےکپتان نے اپنی حکمت عملی پر بات کرتے ہوئے  بتایا کہ صورتحال کے مطابق دیکھتے ہیں، اچھا برا ٹائم ہر پلیئر پر چلتا رہتا ہے، عمر اکمل سے رنز نہیں ہوپا رہے ہیں لیکن امید ہے وہ اچھا کریں گے ، شروع میں گیند بیٹ پر نہیں آرہا تھا اس لیے ہمیں کافی مشکل ہوئی، جب شعیب ملک اور عرفان نیازی کھیل رہے تھے تو تھوڑی گھبراہٹ ہوئی تھی، صائم ایوب کے ٹیلنٹ کا ہمیں معلوم تھا اس لیے پہلے پک کیا تھا، آپ کو بہت جلد صائم ایوب کے اور اچھے شاٹس دیکھنےکو ملیں گے۔

دوران پریس کانفرنس سرفراز  نے اپنی ایگریشن پر بات کرتے ہوئے کہ  میری ایگریشن نیچرل  ہی ہے، میں اپنا نیچرل اسٹائل نہیں چھوڑسکتا جس سے ساری کامیابی اور سب کچھ ملا اس اسٹائل کو نہیں چھوڑسکتا، اب لوگوں کو وہی چیز بری لگ رہی ہے لیکن جو نیچرل اسٹائل ہے میرا وہ تو رہےگا ۔