19 فروری ، 2023 
راکھی ساونت کی مسلمان نوجوان لڑکے لڑکیوں کو نماز کی پابندی کی تلقین
19 فروری ، 2023
بھارتی اداکارہ راکھی ساونت نے ہر مسلمان نوجوان لڑکے لڑکی کو جمعے کے علاوہ باقی نمازیں بھی پڑھنے کی تلقین کی ہے۔
راکھی ساونت کی حال ہی میں ایک ویڈیو سامنے آئی ہے جس میں وہ بھارتی میڈیا کو انٹرویو دے رہی ہیں۔
انٹرویو میں راکھی کا کہنا تھا کہ میں کہتی تھی کہ آپ مسلمان ہو آپ مجھے اسلام میں لائے ہو، میں عادل کو نماز کیلئے کھینچ کر لاتی تھی اور بولتی تھی نماز پڑھ لو ورنہ شیطان پکڑ لےگا۔
راکھی نے اپنے انٹرویو میں یہ بھی کہا کہ عادل جمعے کے علاوہ کوئی نماز نہیں پڑھتا تھا، میں ہاتھ پاؤں جوڑتی تھی، میں نے اپنا فرض پورا کیا، میں ہر مسلمان نوجوان لڑکے لڑکی کو کہوں گی کہ جمعے کے علاوہ باقی نمازیں بھی پڑھیں۔
راکھی ساونت نے کہا کہ جو دُکھی ہیں وہ تہجد کی نماز بھی پڑھیں، میں یوٹیوب سے دیکھ کر ساری نمازیں پڑھتی ہوں۔
انہوں نے مزیدکہا کہ عادل کی وجہ سے میں نے اسلام کو قبول کیا، عادل نے مجھے دھوکا دیا لیکن میں اسلام نہیں چھوڑ سکتی۔
واضح رہے عادل خان اور راکھی ساونت نے شادی کی تھی اور نکاح کی تصاویر اور ویڈیو بھی سامنے آئی تھیں لیکن راکھی عادل سے علیحدگی کا اعلان کرچکی ہیں۔
مزید خبریں :
کراچی: چوروں نے فخر عالم کے گھر کا صفایا کردیا،اداکار سخت مایوس
30 جنوری ، 2025
شوبز میں مجبوری کے تحت آئی: امبر خان
30 جنوری ، 2025
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
