نقیب اللہ قتل کیس میں راؤ انوار و دیگر کی بریت کیخلاف سندھ ہائیکورٹ میں اپیل دائر

نقیب اللہ قتل کیس میں سابق ایس ایس پی ملیر راؤ انوار و دیگر کی بریت کے خلاف سندھ ہائی کورٹ میں اپیل دائر کر دی گئیں۔

رپورٹس کے مطابق مقتول نقیب اللہ کے بھائی عالم شیر کی جانب سے تین مختلف اپیلیں دائر کی گئی ہیں جس میں مؤقف اپنایا گیا ہے کہ انسداد دہشت گردی عدالت نے ملزمان کو بری کرکےشواہدکو نظر انداز کیا ہے۔

اپیل میں کہا گیا ہے کہ انسداد دہشت گردی عدالت کے فیصلے کو کالعدم قرار دیا جائے۔

نقیب اللہ قتل کیس: راؤ انوار سمیت تمام ملزمان بری

پراسیکیوشن ملزمان کے خلاف الزامات ثابت کرنے میں ناکام رہی ہے: انسداد دہشتگردی عدالت

واضح رہے کہ انسداد دہشتگردی عدالت نے نقیب اللہ قتل کیس کا فیصلہ 23 جنوری 2023 کو سنایا تھا۔

عدالت نے عدم شواہد کی بناء پر راؤ انوار سمیت 18 ملزمان کو بری کردیا تھا۔