’مجھے لگا پولیس سی سی پی او آفس لے جائے گی لیکن اب نجانے کہاں لے جارہے ہیں‘

پاکستان تحریک انصاف (پی ٹی آئی) کے وائس چیئرمین شاہ محمود قریشی نے قیدیوں کی وین میں بیٹھنے کے بعد صحافیوں سے گفتگو کی اور دعویٰ کیا کہ پولیس کو بغیر مزاحمت کے گرفتاری دی۔

پاکستان تحریک انصاف (پی ٹی آئی) کی جیل بھرو تحریک کے آغاز پر وائس چیئرمین شاہ محمود قریشی اور جنرل سیکرٹری اسد عمر سمیت کئی رہنماؤں نے گرفتاری دے دی۔

یہ رہنما خود ہی قیدیوں کی وین میں بیٹھ گئے تھے۔

جیل بھرو تحریک: شاہ محمود، اسد عمر اور دیگرگرفتاری دینے کیلئے خود ہی قیدیوں کی وین میں بیٹھ گئے

ہم نےگرفتارنہیں کیا، یہ خود ہی پریژن وین میں آکربیٹھ گئے، انہیں 3 ایم پی او کے تحت گرفتار کیا جائےگا: پولیس ذرائع

شاہ محمود قریشی نے قیدیوں کی وین میں بیٹھنے کے بعد صحافیوں سے گفتگو کی اور دعویٰ کیا کہ پولیس کو بغیر مزاحمت کے گرفتاری دی۔

انہوں نے کہا کہ مجھے لگا تھا کے پولیس سی سی پی او آفس لے جائے گی لیکن اب نجانے کہاں لے جارہے ہیں۔

صحافیوں سے گفتگو میں شاہ محمود قریشی نے کارکنوں کو جیل بھروتحریک کےلیے متحرک ہونے کا پیغام بھی دیا۔