پاکستان
Time 23 فروری ، 2023

بشریٰ اقبال نے دانیہ کے عامر لیاقت مخالف بیانات کی ویڈیوز جاری کردی

بشریٰ اقبال کی جانب سے دانیہ کی جو ویڈیوز جاری کی گئیں ان میں دانیہ عامر لیاقت پر شدید تنقید کررہی ہیں/ فائل فوٹو
بشریٰ اقبال کی جانب سے دانیہ کی جو ویڈیوز جاری کی گئیں ان میں دانیہ عامر لیاقت پر شدید تنقید کررہی ہیں/ فائل فوٹو

مرحوم رکن قومی اسمبلی عامر لیاقت کی سابقہ اہلیہ بشریٰ اقبال نے ان کی تیسری اہلیہ دانیہ شاہ کے عامر لیاقت کی مخالفت میں دیے گئے بیانات شیئر کردیے۔

بشریٰ اقبال کی جانب سے سوشل میڈیا پر دانیہ کے نجی میڈیا کو دیے گئے بیانات کی ویڈیو شیئر کی گئی ہے جس میں دانیہ کی جانب سے عامر لیاقت کو شدید تنقید کا نشانہ بنایا جارہا ہے۔

ایک انٹرویو میں دانیہ شاہ نے عامر لیاقت کو مخاطب کرتے ہوئے کہا کہ جب عورت کی عزت پر آتی ہے وہ دوسرے کی عزت اتارنا بھی جانتی ہے۔

ایک انٹرویو کلپ میں دانیہ نے اعتراف کیا تھا کہ ان کے پاس عامر لیاقت کی ریکارڈنگز  اور ہر قسم کے ثبوت موجود ہیں۔

ایک جگہ دانیہ کا کہنا تھا کہ ’وہ ویڈیو میں نے بنائی تھی، اس ویڈیو کو بناتے وقت عامر اور میرے علاوہ کمرے میں کوئی موجود نہیں تھا ‘۔

واضح رہے کہ کچھ روز قبل ہی  عامر لیاقت کی ویڈیو وائرل کیس میں دانیہ شاہ کو ویمن جیل کراچی سے ضمانت پر رہا کیا گیا ہے۔

دانیہ شاہ کے خلاف ایف آئی اے پیکا ایکٹ 2016 کے تحت مقدمہ درج ہے، ملزمہ دانیہ شاہ کے خلاف مقدمہ عامر لیاقت کی بیٹی دعا عامر نے درج کروایا تھا۔

مزید خبریں :