23 فروری ، 2023 
پاکستان
اجلاس میں قومی اسمبلی میں واپسی اور جاری آئینی بحران پر بھی تبادلہ خیال کیا جائے گا: ذرائع۔ فوٹو فائل
عمران خان کی زیر صدارت پی ٹی آئی کا اجلاس، گرفتاریوں پر آئندہ کی حکمت عملی پر مشاورت
23 فروری ، 2023
لاہور: پاکستان تحریک انصاف کے چیئرمین عمران خان کی زیر صدارت زمان پارک میں پارٹی کا مشاورتی اجلاس جاری ہے۔
زمان پارک میں ہونے والے اجلاس میں اجلاس میں فواد چوہدری، علی زیدی، اعجاز چوہدری اور دیگر شریک ہیں۔
ذرائع کے مطابق اجلاس میں پی ٹی آئی رہنماؤں اور کارکنوں کی گرفتاریوں پر آئندہ کی حکمت عملی پر مشاورت کی جائے گی، قومی اسمبلی میں واپسی اور جاری آئینی بحران پر بھی تبادلہ خیال کیا جائے گا۔
ذرائع کا کہنا ہے کہ اجلاس میں پنجاب اور خیبرپختونخوا کے انتخابات میں امیدواروں سے متعلق بھی غور ہو گا۔
ذرائع کا بتانا ہے کہ اجلاس میں قومی احتساب بیورو (نیب) اور وفاقی تحقیقاتی ایجنسی (ایف آئی اے) کی جانب سے عمران خاں اور دیگر رہنماؤں کی طلبی پر بھی مشاورت ہو گی۔
