25 فروری ، 2023 
انٹرٹینمنٹ
گزشتہ دنوں لاہور میں ہونے والے فیض فیسٹول کے دوران جاوید اختر نے پاکستانیوں سے متعلق متنازع گفتگو کی تھی— فوٹو: فائل
بھارت پہنچنے کے بعد پاکستان میں دیے گئے بیان پر جاوید اختر کا ردعمل آگیا
25 فروری ، 2023
بھارتی فلم رائٹر جاوید اختر نے بھارت پہنچنے کے بعد پاکستان میں دیے گئے بیان پر ردعمل کا اظہار کیا ہے۔
گزشتہ دنوں لاہور میں ہونے والے فیض فیسٹیول کے دوران جاوید اختر نے پاکستانیوں سے متعلق متنازع گفتگو کی تھی جس کے بعد سے وہ سوشل میڈیا پر تنقید کی زد میں ہیں۔
اب جاوید اختر نے بھارت میں ایک تقریب کے دوران پاکستانیوں سے متعلق متنازع گفتگو کے حوالے سے ردعمل دیا ہے۔
انہوں نے کہا کہ ’بیان دینے کے بعد مجھے لگا ایسے ایونٹس میں نہیں جانا چاہیے لیکن یہاں (بھارت) آیا تو لگا پتہ نہیں تیسری عالمی جنگ جیت کر آیا ہوں‘۔
خیال رہے کہ شوبز شخصیات نے بھی جاوید اختر کے بیان سے متعلق ناراضگی کا اظہار کیا اور انہیں تنقید کا نشانہ بنایا تھا۔
