27 فروری ، 2023 
پاکستان
ڈاکوؤں نے مغویوں کے ورثا سے ایک کروڑ کا تاوان طلب کیا ہے: پولیس/ فائل فوٹو
رحیم یار خان: ڈاکوؤں نے شادی کا جھانسہ دیکر ڈھول بجانے والوں کو اغوا کرلیا
27 فروری ، 2023
پنجاب کے شہر رحیم یارخان میں شادیوں پر ڈھول بجانے والے گروپ کو ڈاکوؤں نے اغوا کرلیا۔
پولیس کے مطابق ڈاکوؤں نے شادی کی تقریب کاجھانسہ دےکر کچے کے علاقے میں گروپ کو بلایا اور فنکارگروپ کے 9 افراد کو اغوا کرلیا۔
پولیس کا بتانا ہے کہ ڈاکوؤں نے مغویوں کے ورثا سے ایک کروڑ کا تاوان طلب کیا ہے۔
ورثا کی جانب سے مغویوں کی تلاش کیلئے پولیس سے درخواست کی گئی ہے جس کے بعد پولیس مغویوں کی تلاش کیلئے جگہ جگہ چھاپے مار رہی ہے۔
