04 مارچ ، 2023 
لاہور قلندرز کے کرکٹرز میں لمبی ڈرائیو مارنے کا مقابلہ، حارث اور راشد میں کون جیتا؟
04 مارچ ، 2023
ایچ بی ایل پاکستان سپر لیگ ( پی ایس ایل ) کی دفاعی چیمپیئن لاہور قلندرز کے کھلاڑیوں نے ریسٹ ڈے میں ڈیفنس رایا گولف کلب کا رخ کیا۔
لاہور قلندرز کے کھلاڑی گولف کورس میں وقت گزار کر تازہ دم ہوئے جس دوران کھلاڑیوں نے ڈیفنس رایا گولف کلب میں لمبی ڈرائیو مارنے کا مقابلہ کیا۔
کرکٹرز کے درمیان یہ مقابلہ گولف کلب کے ڈرائیونگ رینج میں کیا گیا مقابلے کے دوران کرکٹرز ایک دوسرے کے ساتھ ہنسی مذاق کرتے رہے۔
فخر زمان نے اپنے بیٹے زین کے ساتھ مقابلے میں حصہ لیا،جس دوران فخر زمان بیٹے زین فخر کو ڈرائیو مارنا سکھاتے بھی رہے، کم ڈرائیو لگنے پر کرکٹرز نے ایک دوسرے کے ساتھ مذاق بھی کیا۔
اس موقع پر کپتان شاہین آفریدی کا کہنا تھا کہ ڈرائیونگ رینج میں کھلاڑیوں کو ٹف ٹائم دیا ہے پہلے بھی ڈرائیونگ رینج آتا رہا ہوں، خوب مزہ آتا ہے۔
حارث رؤف کا کہنا تھا کہ گولف کورس آکر بہت مزہ آیا ہے راشد خان نے کہا کہ میں نے ڈرائیو میں حارث رؤف کو شکست دی ہے گولف کھیلنا اچھا لگا بہت دن بعد تفریح ملی نائٹ میچز اور ٹریننگ چل رہی تھی آج سورج بھی دیکھا۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
11 گھنٹے پہلے
