04 مارچ ، 2023 
پاکستان
چیئرمین نیب کی تقرری کا عمل متنازع ہے، چیئرمین نیب کی تقرری پرحکومت اور اپوزیشن کی مشاورت کا عمل قانونی اعتبار سے نہیں ہو: فواد چوہدری کا ردعمل— فوٹو: فائل
پی ٹی آئی نے چیئرمین نیب کی تقرری کے عمل کو متنازع قرار دے دیا
04 مارچ ، 2023
سابق وفاقی وزیر و پاکستان تحریک انصاف کے رہنما فواد چوہدری نے کہا ہے کہ قومی احتساب بیورو (نیب) کے چیئرمین کی تقرری کا عمل متنازع ہے۔
لیفٹیننٹ جنرل (ر) نذیر احمد کو چیئرمین نیب تعینات کر دیا گیا ہے۔ ذرائع کے مطابق وزیراعظم اور قومی اسمبلی میں اپوزیشن لیڈر راجا ریاض کے درمیان اتفاق رائے کے بعد چیئرمین نیب کی تعیناتی کی گئی۔
اس حوالے سے فواد چوہدری کا کہنا ہے کہ چیئرمین نیب کی تقرری کا عمل متنازع ہے، عدالت تحریک انصاف کے ارکان کے استعفوں کا نوٹیفکیشن معطل کر چکی ہے۔
ان کا کہنا تھاکہ تحریک انصاف شاہ محمود قریشی کو قائد حزب اختلاف نامزد کر چکی ہے، چیئرمین نیب کی تقرری پرحکومت اور اپوزیشن کی مشاورت کا عمل قانونی اعتبار سے نہیں ہوا۔
