06 مارچ ، 2023 
تہران سے بیجنگ کی پرواز میں روس کی فضائی حدود میں ایمرجنسی، الماتے میں ہنگامی لینڈنگ
06 مارچ ، 2023
ایران کی نجی ائیرلائن کی دارالحکومت تہران سے بیجنگ کے لیے پرواز میں روس کی فضائی حدود میں ہنگامی صورتحال پیدا ہوگئی جس پر طیارے کو قازقستان کے الماتے ائیرپورٹ پر ہنگامی لینڈنگ کرائی گئی۔
ایوی ایشن ذرائع کے مطابق ماہان ائیر پرواز ڈبلیو 579 نے مقامی وقت کے مطابق اس سہہ پہر 3:24 بجے تہران انٹرنیشنل ائیرپورٹ سے بیجنگ کے لیے اڑان بھری۔
لگ بھگ ڈھائی گھنٹے کی پرواز کے بعد ائیربس اے 340 طیارہ روس کی فضائی حدود میں 35 ہزار فٹ کی بلندی پر تھا کہ طیارے میں ہنگامی صورتحال پیدا ہوگئی اور جہاز نے اچانک بلندی کھونا شروع کر دی۔
ائیر ٹریفک کنٹرول کے رابطہ کرنے پر پائلٹ نے قازقستان کے الماتے ائیرپورٹ پر ہنگامی لینڈنگ کی۔ اس دوران لگ بھگ نصف گھنٹے تک تمام پروازوں کی لینڈنگ اور ٹیک آف روک دیا گیا تھا۔
اطلاعات کے مطابق طیارہ باحفاظت لینڈ کرنے میں کامیاب ہوگیا اور تمام مسافر محفوظ رہے۔ آخری اطلاعات تک طیارہ ائیر پورٹ پر ہی موجود تھا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
5 گھنٹے پہلے
غزہ پر اسرائیلی بمباری سے مزید 38 فلسطینی شہید
7 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
