10 مارچ ، 2023 
اب آپ گوگل کے ساتھ 'جادو' کر سکتے ہیں
10 مارچ ، 2023
گوگل سرچ انجن کا استعمال روزانہ کروڑوں افراد مختلف مقاصد کے لیے کرتے ہیں جن میں سے ایک کسی زبان کو ترجمہ کرنا بھی ہے۔
اب آپ گوگل ٹرانسلیٹ کے ساتھ 'جادو' بھی کر سکتے ہیں کیونکہ یہ سروس تصاویر میں موجود تحریر کو بھی ترجمہ کرنے کے قابل ہوگئی ہے۔
جی ہاں واقعی صارفین تصاویر پر موجود تحریر کو بھی اب گوگل ٹرانسلیٹ پر ترجمہ کر سکتے ہیں۔
اس مقصد کے لیے گوگل نے ایک اگیومینٹڈ رئیلٹی (اے آر) ٹرانسلیٹ ٹول کو اس سروس کا حصہ بنایا ہے جو گوگل لینس میں بھی موجود ہے۔
گوگل ٹرانسلیٹ کی ویب سائٹ پر آپ اس حیرت انگیز فیچر کو استعمال کر سکتے ہیں۔
اس ویب سائٹ پر اب ایک نئی امیج ٹیب کا اضافہ کیا گیا ہے، جہاں آپ اپنے کمپیوٹر سے کسی تصویر یا اسکرین شاٹ کو اپ لوڈ کریں گے تو تصویر پر موجود تحریر کا ترجمہ ہو جائے گا۔
اس ٹیکسٹ کو کاپی، ڈاؤن لوڈ کرنے یا ڈیلیٹ کرنے کے آپشن بھی دستیاب ہوں گے۔
گوگل کے مطابق 133 زبانوں کی تحریروں کو اس سروس سے ترجمہ کرنا ممکن ہے۔
اس طرح کا فیچر گوگل لینس کے موبائل ورژن میں تو کافی عرصے سے موجود تھا اور اب اسے گوگل ٹرانسلیٹ کا حصہ بھی بنا دیا گیا ہے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
