کم بجٹ کی فلم نے آسکر ایوارڈز کا میلہ اپنے نام کرلیا

بہت کم بجٹ سے بننے والی فلم ایوری تھنگ ایوری وئیر آل ایٹ ونس نے آسکر ایوارڈز میں ہیوی ویٹ مخالفوں کو پچھاڑ دیا۔

95 ویں اکیڈمی ایورڈز میں 2 کروڑ ڈالرز سے بھی کم بجٹ میں بننے والی اس فلم نے مجموعی طور پر 7 ایوارڈز اپنے نام کیے۔

کشتی سے ملک چھوڑ کر جانے والا تارک وطن آسکر ایوارڈ جیتنے میں کامیاب

یہ اداکار فلمی دنیا کے لیے اپنے خوابوں سے لگ بھگ دستبردار ہو چکے تھے۔

بہترین فلم، ڈائریکٹر (Daniel Kwan اور Daniel Scheinert) ، بہترین اداکارہ (مچل یوہ)، بہترین معاون اداکار (کی ہوئے کوان) اور معاون اداکارہ (جیمی لی کرٹس)، اوریجنل اسکرین پلے اور فلم ایڈیٹنگ کے ایوارڈز اس سائنس فکشن فلم کے نام رہے۔

اس فلم کو تیار کرنے والے اسٹوڈیو اے 24 کی ایک اور فلم دی وہیل نے بہترین اداکار (برینڈن فریزر) اور میک اپ اینڈ ہیئر اسٹائلنگ کے ایوارڈز اپنے نام کیے۔

اسٹریمنگ سرو نیٹ فلکس کی فلم آل کوائٹ آن دی ویسٹرن فرنٹ نے 4 ایوارڈز اپنے نام کیے جبکہ انیمیٹڈ فلم کا ایوارڈ جیتنے والی فلم Pinocchio بھی اسی اسٹریمنگ سروس کی تھی۔

اس سال پہلی بار ایک ایشیائی خاتون مچل یوہ نے بہترین اداکارہ کا ایوارڈ اپنے نام کیا جبکہ بلیک پینتھر واکھنڈا فار ایور کے لیے روتھ کارٹر نے بیسٹ کاسٹیوم ڈیزائن کا ایوارڈ جیتا۔

آسکر 2023: 62 سالوں میں پہلی بار قالین کا سرخ رنگ کیوں تبدیل کیا گیا؟

قالین کے رنگ کی تبدیلی کا فیصلہ انوویشن کنسلٹنٹس لیزا لیو اور راول اویلا نے کیا تھا۔

وہ پہلی سیاہ فام خاتون ہیں جو 2 آسکر ایوارڈز جیتنے میں کامیاب ہوئی ہیں۔

2022 میں سب سے زیادہ بزنس کرنے والی فلمیں اواتار دی وے آف واٹر اور ٹاپ گن میورک نے ویژول ایفیکٹس (اواتار) اور ساؤنڈ ایڈیٹنگ (ٹاپ گن میورک) کے ایوارڈز اپنے نام کیے۔

اسی طرح بہترین گانے کا ایوارڈ بھارتی فلم آر آر آر کے گانے Naatu Naatu نے جیتا۔