روس نے روسی لڑاکا طیارے کے امریکی ڈرون سے ٹکرانے کا امریکی دعویٰ مسترد کر دیا

روس نے روسی لڑاکا طیارے کے امریکی ڈرون سے ٹکرانے کا امریکی دعویٰ مسترد کر دیا۔

غیر ملکی میڈیا کے مطابق گزشتہ روز امریکا نے دعویٰ کیا کہ بحیرہ اسود پر پرواز کے دوران مبینہ طور پر امریکی ڈرون سے روسی جنگی طیارہ ٹکرانے کے نتیجے میں ڈرون مکمل طور پر تباہ ہو گیا۔

امریکی فوج کا کہنا تھا کہ Su-27 روسی جنگی طیارے کی مداخلت پر امریکی ڈرون MQ-9 بحیرہ اسود میں گر کر تباہ ہوا۔

امریکی فوجی حکام کے مطابق امریکی ڈرون بین الاقوامی فضائی حدود میں معمول کی کارروائی پرتھا جب روسی جنگی طیارے نےامریکی MQ-9 ریپرڈرون کو روکنے کی کوشش کی تھی۔

حکام کے مطابق امریکی ڈرون کو روکنے کی کوشش میں روسی طیارہ ڈرون سے ٹکرا گیا، ٹکر کے نتیجے میں امریکی ڈرون مکمل طور پر تباہ ہوگیا۔

دوسری جانب روس نے روسی لڑاکاطیارے کے امریکی ڈرون سے ٹکرانے کا امریکی دعویٰ مسترد کر دیا۔

بحیرہ اسود پر روسی طیارے کے ٹکرانے سے امریکی ڈرون تباہ، امریکا کا سخت احتجاج

واقعے کے باوجود امریکا اور اس کے اتحادی علاقے میں اپنا آپریشن جاری رکھیں گے: امریکی فوجی حکام

روسی وزارت دفاع کا کہنا ہے کہ روسی لڑاکا طیارہ امریکی ڈرون طیارے سے رابطےمیں نہیں آیا،روسی لڑاکا طیارے نے کوئی ہتھیار امریکی طیارے کے خلاف استعمال نہیں کیے۔

ان کا کہنا تھا کہ امریکی ڈرون طیارہ اپنی تیز رفتاری کے باعث سمندرمیں گر گرتباہ ہوا، روسی لڑاکا طیارہ اپنی ائیرفیلڈ پر بحفاظت واپس پہنچ گیا ہے۔