15 مارچ ، 2023 
عمران خان کی خواہش ہے کہ لاشیں گریں اور وہ اُن پر سیاست کریں: احسن اقبال
15 مارچ ، 2023
لاہور: وفاقی وزیر احسن اقبال نے کہا ہےکہ عمران خان کی خواہش ہے کہ کچھ لاشیں گریں اور وہ اُن پر سیاست کریں لیکن پولیس نہیں چاہتی کہ کوئی جانی نقصان ہو۔
جیونیوز کے پروگرام آج شاہ زیب خانزادہ کے ساتھ میں بات کرتے ہوئے احسن اقبال نے کہا کہ عمران خان گرفتاری سے بچنے کے لیے انسانی ڈھال استعمال کررہے ہیں،قوم کو قانون کی حکمرانی کے درس دینے والا قانون کا منہ چڑا رہا ہے اور قوم تماشا دیکھ رہی ہے۔
انہوں نے کہا کہ عمران خان کی خواہش ہے کہ کچھ لاشیں گریں اور وہ اُن پر سیاست کریں لیکن پولیس نہیں چاہتی کہ کوئی جانی نقصان ہو۔
احسن اقبال کا مزید کہنا تھا کہ سیاسی طور پر عمران خان کو گرفتار کرنا ہوتا تو 6 ،7 ماہ میں کرلیتے، عمران خان عدالتوں میں پیش نہیں ہورہے اس لیے عدالتیں وارنٹ نکال رہی ہیں۔
