ویڈیو: پی ایس ایل کوالیفائر کے دوران شاہین اور پولارڈ میں جملوں کا تبادلہ

پاکستان سپر لیگ (پی ایس ایل) کے کوالیفائر میں لاہور قلندرز کے کپتان شاہین شاہ آفریدی اور ملتان سلطانز کے بیٹر کیرون پولارڈ کے درمیان جملوں کا تبادلہ بھی ہوا۔

قذافی اسٹیڈیم میں کھیلے جا رہے میچ میں ملتان سلطانز نے لاہور قلندرز کو جیت کے لیے 161 رنز کا ہدف دیا ہے۔

ملتان سلطانز کی جانب سے کیرون پولارڈ 57 رنز بنا کر نمایاں بیٹر رہے جبکہ شاہین شاہ آفریدی لاہورقلندرز کے سب سے مہنگے بولر ثابت ہوئے اور انہوں نے 4 اوورز میں 47 رنز دیے۔

شاہین شاہ آفریدی اور کیرون پولارڈ کے درمیان ملتان سلطانز کی اننگز کے 19 ویں اوور میں جملوں کا تبادلہ بھی ہوا جس کی ویڈیو سوشل میڈیا پر وائرل ہے۔

پی ایس ایل کوالیفائر: ملتان سلطانز کا لاہور قلندرز کو جیت کیلئے 161 رنز کا ہدف

ملتان سلطانز کی جانب سے پولارڈ 57 رنز بنا کر نمایاں رہے جبکہ رضوان نے 33 رنز کی اننگز کھیلی

ویڈیو میں دیکھا جا سکتا ہے کہ چھکا لگنے کے بعد شاہین شاہ آفریدی کیرون پولارڈ کے پاس آکر کچھ کہتے ہیں جس پر پولارڈ بھی انہیں کچھ کہتے ہیں۔

کیرون پولارڈ نے شاہین شاہ آفریدی کو ایک اوور میں 3 چھکے جڑے تھے۔