ناصر بٹ کا برطانوی شہریت چھوڑ کر پنجاب اسمبلی کے انتخابات میں حصہ لینے کا اعلان

مسلم لیگ ن کے رہنما ناصر بٹ نے برطانوی شہریت چھوڑ کر پنجاب اسمبلی کے انتخابات میں حصہ لینے کا اعلان کردیا۔

لندن میں پریس کانفرنس کرتے ہوئے ناصر بٹ نے کہا کہ ان کے خلاف جھوٹے مقدمات خارج ہوگئے  تاہم پنجاب اسمبلی کے انتخابات میں حصہ لینے کے لیے پی پی 16 میں کاغذات نامزدگی جمع کرا دیے ہیں۔

ان کا کہنا تھا کہ پنجاب اور کے پی میں الیکشن جیتیں گے ، نواز شریف بھی جلد پاکستان میں ہوں گے ۔

لیگی رہنما ناصر بٹ کا تسنیم حیدر کے الزامات پر ہتک عزت کا مقدمہ کرنے کا اعلان

لندن میں مقیم تسنیم حیدر نامی شخص نے مسلم لیگ ن کے قائد اور سابق وزیراعظم نواز شریف پر سینیئر صحافی ارشد شریف کے قتل میں ملوث ہونے کا الزام لگا یا اور خود کو مسلم لیگ ن کا عہدے دار بھی بتایا

واضح رہے کہ پنجاب اسمبلی کے انتخابات کے لیے 30 اپریل کو میدان سجے گا جس کے لیے مختلف سیاسی جماعتوں کے رہنماؤں کی جانب سے کاغذات نامزدگی جمع کرائے جانے کا سلسلہ جاری ہے۔

مسلم لیگ ن کے رہنما حمزہ شہباز نے بھی پنجاب اسمبلی کے انتخابات کے لیے 3 حلقوں سے اپنے کاغذات نامزدگی جمع کرائے ہیں، حمزہ شہباز نے پی پی 146، پی پی 147 اور پی پی 163 سے کاغذات نامزدگی جمع کرائے ہیں۔