19 مارچ ، 2023 
اسلام آباد پولیس کے سینیٹر شبلی فراز سمیت دیگر پی ٹی آئی رہنماؤں کے گھروں پر چھاپے
19 مارچ ، 2023
اسلام آباد پولیس نےسابق وزیراعظم عمران خان کے چیف آف اسٹاف سینیٹر شبلی فراز کے گھر چھاپہ مارا ہے۔
ذرائع کے مطابق پولیس نے شبلی فراز کے گھرکی تلاشی لی جبکہ شبلی فراز گھرپر نہیں تھے۔
ذرائع نے بتایا کہ اسلام آبادخواتین اہلکار بھی پولیس ٹیم کے ہمراہ تھیں۔ سینیٹر شبلی فراز تھانہ سی ٹی ڈی میں درج مقدمے میں نامزد ہیں۔
اسلام آباد اور لاہور میں پولیس نے پی ٹی آئی کے مختلف رہنماؤں اور کارکنوں کے گھروں پر چھا پے مارے اور متعدد افراد گرفتار کیے۔
اس کے علاوہ پولیس نے پی ٹی آئی رہنما علی محمد خان، علی نواز اعوان ،سابق ایم این اے پی ٹی آئی راجہ خرم نواز،انجم تنولی اور چوہدری اظہر گجر کے گھروں پر بھی چھاپے مارے، چھاپوں کے دوران کوئی رہنما گھر پر موجود نہیں تھا جس پر پولیس واپس لوٹ گئی۔
