عمران خان کے بھانجے حسان نیازی کی جسمانی ریمانڈ پر نظر ثانی کی اپیل مسترد

ڈسٹرکٹ اینڈ سیشن کورٹ اسلام آباد نے چیئرمین تحریک انصاف عمران خان کے بھانجے اور فوکل پرسن حسان نیازی کی جسمانی ریمانڈ پر نظر ثانی کی اپیل مسترد کردی۔

عمران خان کے فوکل پرسن حسان نیازی گرفتار

اسلام آباد پولیس نے چیئرمین تحریک انصاف عمران خان کے فوکل پرسن حسان نیازی کو انسداد دہشتگردی کی عدالت کے باہر سے گرفتار کیا۔

ایڈیشنل سیشن جج سکندر خان نے حسان نیازی کی نظرثانی اپیل کی درخواست خارج کی۔ عمران خان کےفوکل پرسن حسان نیازی کی جانب سے جسمانی ریمانڈ پر نظرثانی اپیل دائر کی گئی تھی۔

جج سکندر خان نے جوڈیشل مجسٹریٹ عباس شاہ کیجانب سےحسان نیازی کا دو روزہ جسمانی ریمانڈ منظور کرنے کا فیصلہ برقرار رکھا ہے۔

خیال رہے کہ پولیس نے حسان نیازی کو توڑ پھوڑ اور املاک کو نقصان پہنچانے کے الزام میں گرفتار کیا ہے۔